النتائج 1 إلى 2 من 2

الموضوع: من مه‌هدی چاوه‌روانكراوم به‌بێ درۆ ئه‌ی‌ داواكاری زانست وه‌ ئه‌ی گه‌لی زانایانی ئومه‌ت..

  1. افتراضي من مه‌هدی چاوه‌روانكراوم به‌بێ درۆ ئه‌ی‌ داواكاری زانست وه‌ ئه‌ی گه‌لی زانایانی ئومه‌ت..

    ئیمام ناصر محمد يه‌مانی
    01 - 02 - 1429 ك
    09 - 02 - 2008 مـ
    11:52 ئێواره‌

    [ لمتابعة رابط المشاركـة الأصليّة للبيان ]
    https://mahdialumma.com/showthread.php?t=1254
    ـــــــــــــــــــ


    من مه‌هدی چاوه‌روانكراوم به‌بێ درۆ ئه‌ی‌ داواكاری زانست وه‌ ئه‌ی گه‌لی زانایانی ئومه‌ت....

    بسم الله الرحمن الرحيم، وسلامٌ على المرسلين والحمدُ لله ربّ العالمين، وبعد..

    بۆ برای به‌رێزم‌‌ داواكاری زانست و‌ به‌هه‌مان شێوه‌ بۆ هه‌موو زانایانی موسڵمانان له‌وانه‌ی كه‌وا به‌سه‌ر ئه‌م به‌یانی حه‌قی قورئانه‌دا ئاگادارن له‌ ئینته‌رنێتی جیهانی یاخود نوسخه‌یه‌كی ته‌سلیمكراوه‌و پێی گه‌یشتووه‌، لە اللە بترسن وه ده‌رباره‌ی هه‌موو ئه‌و موسڵمانانه‌شی كه‌وا له‌ژێر ده‌ستانن گه‌ر هاتوو ئه‌وه‌تان به‌راست دانا ئه‌وانیش به‌راستی داده‌نێن وه‌ گه‌ر به‌درۆتان خسته‌وه‌ ئه‌وا ئه‌وانیش به‌درۆی ده‌خه‌نه‌وه‌ جا گه‌ر ئێوه‌ ده‌مبینن له‌سه‌ر حه‌قم ئه‌وا بێده‌نگ مه‌بن له‌ حه‌ق كه‌سی بێده‌نگیش له‌به‌رامبه‌ر حه‌قدا شه‌یتانێكی لاڵه (الساكت عن الحقّ شيطانٌ أخرسٌ)‌، وه‌ ئه‌گه‌ر ده‌مبینن له‌سه‌ر گومراییه‌كی ئاشكراشم به‌هه‌مان شێوه‌ ره‌وانی یه‌ بۆتان بێده‌نگ بن تاوه‌كو بانگه‌شه‌كار ناصر محمد یه‌مانی موسڵمانان گومراو سه‌رلێشێواو نه‌كات گه‌ر ده‌مبینن له‌سه‌ر گومرایی یه‌كی ئاشكرام، جا وه‌رن به‌رگری له به‌های ئه‌م دینه‌ بكه‌ن گه‌ر راست ده‌كه‌ن، به‌ڵام به‌ داخ و ئه‌سه‌فه‌وه‌ به‌راستی من هه‌ندێك له‌ زانایانی موسڵمانان ده‌بینم دێن گفتوگۆم له‌گه‌ڵ ده‌كه‌ن جا ده‌رباره‌ی دین موجاده‌له‌و قسه‌م له‌گه‌ڵدا ده‌كه‌ن هه‌تا ئه‌و كاته‌ی كه‌وا به‌سه‌ریاندا زاڵ ده‌بم به‌حه‌ق جا دوای ئه‌وه‌ پاشه‌كشه‌ ده‌كات و دانم پێدانانێت له‌دوای ئه‌وه‌ی بۆی روون بوویه‌وه‌ كه‌وا به‌راستی اللە ده‌سه‌ڵاتمی به‌زانست له‌كتێبی قورئانی گه‌وره‌دا به‌سه‌ر هه‌موو زانایانی ئومه‌تدا زیادكردووه‌.

    وه‌ منی مه‌هدی چاوه‌روانكراوی حه‌ق دووباره‌ی ده‌كه‌مه‌وه‌و ده‌ڵێم: به‌راستی من له‌لایه‌ن نه‌فسی خۆمه‌وه‌ نه‌موتووه‌ مه‌هدی چاوه‌روانكراوم؛ به‌ڵكو له‌وه‌دا باپیره‌م محمد پێغه‌مبه‌ری اللە صلَّى الله عليه وآله وسلَّم فه‌توای بۆ داوم و پێی راگه‌یاندووم، به‌ڵام محمد پێغه‌مبه‌ری اللە ش ده‌زانێت كه‌وا روئیا حوكمی شه‌رعی له‌سه‌ر بینا ناكرێت وه‌ هه‌ر له‌به‌ر ئه‌وه‌ش اللە ی گه‌وره‌ به‌ڵگه‌ی به‌راستدانانی روئیاكه‌ی به‌ئیزنی خۆی كردووه‌ به‌وه‌ی هه‌ر كه‌سێك گفتوگۆو قسه‌م له‌گه‌ڵدا بكات له‌ قورئان ئه‌وا هه‌ر من به‌سه‌ریدا زاڵ ده‌بم به‌ حه‌ق جا به‌راستگه‌رانی روئیاكه‌ به‌حه‌ق بۆ زاناو نه‌زانه‌كانتان روون بوویه‌وه له‌سه‌ر ئه‌رزی واقع له‌ حیوارو گفتوگۆدا جا ره‌وا نی یه‌ بۆتان كه‌وا بێده‌نگ بن له‌ ئاستی حه‌قدا وه‌ ئه‌مه‌ش حوججه‌تی اللە یە له‌سه‌رتان كه‌وا روئیاكه‌ی به‌راست گه‌راندووه‌ به‌ حه‌ق، جا هه‌تاكه‌ی بێده‌نگی له‌ ئاستی حه‌قدا؟ ‌‌ ‌

    وه‌ ئه‌ی گه‌لی موسڵمانان ببن به‌ شایه‌د به‌حه‌ق له‌نێوانی من و نێوان زاناكانتان جا گه‌ر ئه‌وانتان بینی منیان به‌زاند به ‌ده‌سه‌ڵاتی زانستی روون و ئاشكرا جا به‌راستی دوای ئه‌وه‌ خراپه‌ی من ته‌واوو به‌س ده‌بێت بۆ موسڵمانان تاكو چیتر ئومه‌ت گومرا نه‌كه‌م، وه‌ ئه‌گه‌ر بینیشتان كه‌ به‌راستی اللە منی گێراوه‌ به‌وه‌ی زاڵ بم به‌سه‌ریاندا به ‌ده‌سه‌ڵاتی زانست له‌ قورئانی گه‌وره‌دا جا به‌راستی بۆتان روونده‌بێته‌وه‌ كه‌وا به‌راستی من مه‌هدی چاوه‌روانكرام، وه ‌منی مه‌هدی چاوه‌روانكراوی هه‌ق ئیمام ناصر محمد یه‌مانی فه‌توا ده‌ده‌م به‌وه‌ی:

    یه‌كه‌م: ده‌رباره‌ی بیرو باوه‌ر‌تان ده‌رباره‌ی‌ سزای گۆر به‌وه‌ی‌ ده‌ڵێن‌ له‌و جه‌سته‌یه‌دایه‌ كه‌ له‌ حه‌فرو قۆڵتدایه جا سه‌روبنی ئه‌وه‌ ره‌ت ده‌كه‌مه‌وه‌ به‌ته‌واوی، وه‌ اللە ده‌رباره‌ی ئه‌وه‌ هیچ ده‌سه‌ڵاتێكی زانستی له‌ قورئانی گه‌وره‌دا دانه‌به‌زاندووه‌ به‌ڵكو قورئان ئه‌وه‌ نه‌فی ده‌كات و‌ سزا له‌سه‌ر رۆح له‌دوای مردن له‌ئاگردا ته‌ئكید ده‌كاته‌وه‌ به‌بێ جه‌سته‌ له‌ ژیانی به‌رزه‌خیدا هه‌تا ئه‌و رۆژه‌ی كه‌وا زیندوو ده‌بنه‌وه‌.

    دووه‌م: ده‌رباره‌ی بیروباوه‌رتان له‌به‌راستدانانی ریوایه‌ته‌كان بۆ فیتنه‌ی مه‌سیحی ده‌جال به‌وه‌ی گوایه‌ اللە پشتگیری ده‌كات به‌ كۆمه‌ڵێك موعجیزه‌ جا ده‌ڵێت ئه‌ی ئاسمان باران ببارێنه‌ جا ده‌یبارێنێت وه‌ ده‌ڵێت ئه‌ی زه‌وی بیروێنه‌ جا ده‌یروێنێت وه‌ مردوو زیندوو ده‌كاته‌وه‌ جا پیاو شه‌ق ده‌كات و ده‌یكات به‌ دوو نیوه‌وه‌‌ ئینجا به‌نێوان پارچه‌كانیدا تێپه‌ر ده‌بێت پاشان زیندووی ده‌كاته‌وه‌ به‌و مانایه‌ی ئه‌و مردوو زیندوو ده‌كاته‌وه‌ وه‌كو ده‌یڵێن، به‌ڵام من سه‌رو بنی ئه‌وه‌ به‌ته‌واوی ره‌ت ده‌كه‌مه‌وه‌و ئینكاری لێده‌كه‌م. جا اللە به‌نیشانه‌ی موعجیزه‌ پشتگیری له‌ ئه‌هلی باتڵ ناكات جا ئه‌وه‌ی ئێوه‌ ده‌یڵێن وه‌كو ئه‌وه وایه‌ اللە كوفرو بێباوه‌ری بۆ عه‌بده‌كانی بوێت؛ به‌ڵكو اللە پشتگیری‌ كه‌سێك ده‌كات به‌ ئایه‌ته‌ موعجیزه‌یی یه‌كان بۆ به‌راست دانانی بانگه‌وازی حه‌ق، به‌ڵام من ده‌رباره‌ی فیتنه‌كه‌ی مه‌سیحی ده‌جال فه‌توا ده‌ده‌م كه‌وا ته‌نها به‌هه‌شت و ئاگرێكه‌، جا هه‌رچی ئاگره‌كه‌یه‌ ئه‌وه‌ هه‌ركه‌سێك له‌ئێوه‌ش ده‌توانن بیكه‌نه‌وه‌ هه‌رچی به‌هه‌شته‌كه‌شه‌ ئه‌وه‌ بریتی یه‌ له‌ به‌هه‌شتی اللە له‌ زه‌وی كه‌وا له‌ ناخی (ناوه‌وه‌ی) زه‌ویه‌كه‌تاندایه‌ له‌ ژێر خاك له‌زه‌ویه‌كی بۆنخۆش كه‌وا باری هێناوه‌ له‌ زه‌ویه‌كی ڕاخراو به‌سه‌وزایی و اللە به‌ یه‌ك ئاست له‌ به‌رزایی و نزمایی یه‌كاندا زۆر به‌رێكی دروستی كردووه‌ ‌هه‌ر خۆشی زاتێکی کارساز و کاربه‌جێیه جا به‌راستی له ‌قورئانی گه‌وره‌دا ئه‌مه‌مان به‌ تێرو ته‌سه‌ل و ته‌واوی روونكردۆته‌وه‌ كه‌ بریتی یه‌ له‌ زه‌وی دوو خۆرهه‌ڵاته‌كه‌ جا خۆری له‌دوو لای به‌رامبه‌ر یه‌كتر‌ لێهه‌ڵدێت وه‌ په‌روه‌ردگاریشی اللە یە نه‌وه‌ك مه‌سیحی ده‌جال. وه‌كو اللە ی گه‌وره‌ پشتراستی ده‌كاته‌وه‌ له‌وه‌ی ده‌فه‌رمویت: {رَبُّ الْمَشْرِقَيْنِ وَرَبُّ الْمَغْرِبَيْنِ} صدق الله العظيم [الرحمن:١٧].
    واته‌/ اللە په‌روه‌ردگاری هه‌ردوو ڕۆژهه‌ڵات و هه‌ردوو ڕۆژئاوایه‌.

    هه‌روه‌ها وه‌كو اللە ی گه‌وره‌ پشتراستی ده‌كاته‌وه‌ له‌وه‌ی ده‌فه‌رمویت: {الرَّحْمَٰنُ عَلَى الْعَرْشِ اسْتَوَىٰ ﴿٥﴾ لَهُ مَا فِي السَّمَاوَاتِ وَمَا فِي الْأَرْضِ وَمَا بَيْنَهُمَا وَمَا تَحْتَ الثَّرَىٰ ﴿٦﴾} صدق الله العظيم [طه].
    واته‌/ اللە ی میهره‌بان له‌سه‌ر عه‌رشه‌وه‌ ئیستوای كردووه‌ (٥) هه‌رچی له ئاسمانه‌کان و هه‌رچی له زه‌ویداو هه‌رچی له نێوانیاندا هه‌یه و هه‌رچی له ژێر خاکیشدایه اللە خاوه‌نیانه‌و بۆ ئه‌وه‌‌ (٦).
    وه‌ به‌راستیش فه‌رمانمان پێكردن به‌ جێبه‌جێكردنی بۆ به‌راستدانان جا به‌یانه‌ هه‌قه‌كه‌ی به‌راستی له‌سه‌ر ئه‌رزی واقعدا ده‌بینن.

    سێ یه‌م: ده‌رباره‌ی حه‌ددو سنوری شه‌رعی له‌ ره‌جمكردنی پیاوو‌ ئافره‌ته‌ زیناكاره‌ هاوسه‌ره‌كان به‌وه‌ی اللە فه‌رمانی به‌وه‌ پێنه‌كردوون؛ به‌ڵكو حه‌ددو سنوریان سه‌د جه‌ڵده‌ بۆ پیاوو ئافره‌ته‌ زیناكاره‌ ئازاده‌كان وه‌ په‌نجا جه‌ڵدیش بۆ پیاوو ئافره‌ته‌ عه‌بده‌كان جا گه‌ر هاتوو خاوه‌ن هاوسه‌ر بن یا سه‌ڵت وه‌ ئه‌مه‌شمان له‌ قورئانی گه‌وره‌دا به‌تێرو ته‌سه‌ل و ته‌واوی بۆ خاوه‌ن ژیری و هۆشمه‌نده‌كان له‌ئێوه سه‌لماندووه‌.

    چواره‌م: ده‌رباره‌ی بیروباوه‌رتان له‌ زیندووكردنه‌وه‌دا جا زۆربه‌تان واگومان ده‌به‌ن یه‌ك زیندووكردنه‌وه‌ هه‌یه‌، جا ده‌ڵێین: به‌ڵكو له‌ كتێبدا زیندووكردنه‌وه‌یه‌كی تریش هه‌یه‌ له‌م دنیایه‌دا جا هه‌موو ئه‌وانه‌ی كه‌وا بوختان لەسەر اللە هه‌ڵده‌به‌ستن له‌كاتێكیشدا ده‌زانن ئه‌وا ده‌گه‌رێنه‌وه‌ بۆ لاتان، به‌ڵام مه‌سیحی ده‌جال دواتر ئه‌م زیندووكردنه‌وه‌ سنورداره‌ كه‌ بۆ هه‌ندێك له‌ مردووه‌كانه (نه‌ك هه‌موو مردووه‌كان) ئیسغلال ده‌كات و ده‌یقۆزێته‌وه‌ جا ده‌ڵێت ئه‌م رۆژه‌ رۆژی نه‌مری یه‌ وه‌ ده‌ڵێت ئه‌ویش اللە یە وه‌ ده‌ڵێت ئاگرو به‌هه‌شتی له‌لایه‌ و ‌ده‌شڵێت ئه‌‌و مه‌سيح عیسای كوری مه‌ریه‌مه‌ وه‌ ئه‌ویش اللە ی په‌روه‌ردگاری جیهانه‌، له‌كاتێكدا بۆ كوری مه‌ریه‌م نه‌بووه‌ ئه‌و قسه‌یه‌ بكات؛ به‌ڵكو ئه‌و درۆزنه‌ وه ‌هه‌ر له‌به‌ر ئه‌وه‌ش پێی ده‌ڵێن مه‌سیحی درۆزن، به‌و مانایه‌ ئه‌و مه‌سیح عیسای كوری مه‌ریه‌می حه‌ق نی یه‌ وه‌ ده‌لیل و به‌ڵگه‌ش له‌سه‌ر ئه‌وه‌ی ئه‌و مه‌سیح عیسای كوری مه‌ریه‌م نی یه‌ ئه‌وه‌یه‌ كه‌ ئه‌و ده‌ڵێت خۆی اللە یە له‌كاتێكدا بۆ كوری مه‌ریه‌م نه‌بووه‌ ئه‌م قسه‌یه‌ بكات؛ به‌ڵكو ئه‌وه‌تان پێ ده‌ڵێت كه‌وا كاتی خۆی به‌به‌نی ئیسرائیلی وت له‌ بێشكه‌دا: {قَالَ إِنِّي عَبْدُ اللَّهِ} صدق الله العظيم [مريم:٣٠].
    واته‌/ وتی به‌ڕاستی من عه‌بدی اللە م.

    پێنجه‌م: كوفر به‌و بیرو باوه‌ره‌تان ده‌كه‌م كه‌ له ‌ئه‌نجامی فه‌رمووده‌یه‌كی به‌تاڵه‌وه‌یه‌ به‌وه‌ی ده‌ڵێت سوره‌تی ئیخڵاس به‌ سێ یه‌كی قورئان هه‌یه‌ جا ئه‌مه‌ مه‌كرو پیلانێكی یه‌هودیه‌ بۆ ئه‌وه‌ی اللە بكه‌نه‌ یه‌كێك له‌ سێ پەرستراوەکە و‌ اللە بكه‌ن به‌ سێیه‌كی كتێب و‌ مه‌سیح سێ یه‌ك و مه‌ریه‌میش باقی سێ له‌ یه‌كه‌كه‌ی تر له‌ كتێبدا! جا چۆن بیروباوه‌رتان وایه‌ كه‌ ئه‌وه‌ فه‌رمووده‌یه‌كه‌ له‌محمد پێغه‌ مبه‌ری اللە وە صلَّى الله عليه وآله وسلَّم؟ وه‌ چۆن اللە سوره‌تی ئیخلاس كه‌ تایبه‌ته‌ به‌وه‌سفی زاتی په‌روه‌ردگار پاك و بێگه‌ردی بۆی ده‌كاته‌ سێ یه‌كی قورئان؟ جا ئایا ده‌زانن بوختانكاران چیان ده‌وێت له‌سه‌ر اللە و پێغه‌مبه‌ره‌كه‌ی له‌م فه‌رمووده‌ هه‌ڵبه‌ستراوه‌دا‌؟ ئه‌مه‌ بۆ ئه‌وه‌ی بیكه‌نه‌ به‌راست دانانێك بۆ بیرو باوه‌ری به‌تاڵ به‌وه‌ی اللە ته‌نها سێ یه‌كی كتێبه‌و سێ له‌ یه‌كیشی مه‌سیح عیسای كوری مه‌ریه‌مه‌و دایكیشی سێ له‌یه‌كه‌كه‌ی تر؛ به‌ڵكو ئێوه‌ په‌روه‌ردگاره‌كه‌تان دابه‌شكردووه له‌كاتێكیشدا نازانن ئه‌ی گه‌لی موسڵمانان، یا ئێوه‌ تێناگه‌ن له‌وه‌ی كه‌وا له‌ سوره‌تی ئیخڵاسدا هاتووه‌ كه‌وا ده‌ڵێت اللە تێیدا ده‌فه‌رموێت ئه‌و تاك و ته‌نهایه‌ و‌ هیچ پەرستراوێک نی یه‌ ته‌نها ئه‌و پایه‌دار و ده‌سه‌ڵاتداره‌و نیازی به‌كه‌س نی یه ‌و هه‌موو ئاتاجی ئه‌ون وه‌ ئه‌و هیچ که‌سی لێ نه‌بووه و خۆشی له که‌س نه‌بووه وه‌ هه‌رگیز هاوتاو هاوشێوه و ده‌سه‌ڵاتدارێکی تر نییه که له‌به‌رامبه‌ریه‌وه بوه‌ستێت و هاوشانی بێت.
    كه‌واته‌ ئایه‌ته‌كه‌ ده‌رباره‌ی زاتی اللە پاك و بێگه‌ردی بۆی قسه‌ ده‌كات، جا چۆن اللە ده‌كه‌ن به‌ سێ یه‌كی قورئان ئایا عه‌قڵتان ناخه‌نه‌كار؟

    له‌وه‌یه‌ یه‌كێكتان بیه‌وێت بمپچرێنێت جا بڵێت: " به‌ڵكو مه‌به‌ستی ئه‌جرو پاداشته‌كه‌یه‌". جا ده‌ڵێین به‌ڵكو ئه‌مه فێڵه‌ له‌لایه‌ن بوختانكارانه‌وه‌ بۆ شاردنه‌وه‌ی راستی به‌ڵكو ئه‌جرو پاداست له‌ خوێندنه‌و‌ه‌ی قورئاندا وه‌كو محمد پێغه‌مبه‌ری اللە فێری كردوون‌ ‌‌ -صلَّى الله عليه وآله وسلَّم- ئه‌وه‌یه‌ به‌وه‌ی كه‌وا بۆ خوێنه‌ری قورئان به‌هه‌ر حه‌رفێكی چاكه‌یه‌كی بۆ هه‌یه‌ و ناڵێم {أَلَمْ} پیتێكه‌ به‌ڵكو ئه‌لف پیتێكه ‌و‌ لام پیتێكه‌ و میم پیتێكه. وه ‌به‌هه‌مان شێوه‌ دووروه‌كان له‌رێی ئه‌م فه‌رمووده‌وه‌ ده‌یانه‌ویت له‌ قورئاندا وورد نه‌بنه‌وه‌ جا یه‌كێكتان بڵێت مادام سوره‌تی ئیخڵاس به‌ سێ یه‌كی قورئان هه‌یه‌ ئه‌وا دواتر سێ جار ده‌یخوێنمه‌وه‌ له‌ رۆژێكدا وه‌كو ئه‌وه‌ وایه‌ قورئانم خه‌تم كردبێت له‌ رۆژێكدا! جا له‌پاش ئه‌وه‌ پشده‌كاته‌ ئه‌وه‌ی بیر له‌ ئایه‌ته‌كانی قورئانی گه‌وره‌ بكاته‌وه‌و ئیكتیفا ده‌كات به‌ خوێندنه‌وه‌ی سوره‌تی ئیخڵاس به‌ سێ جار له‌ رۆژێكدا وه‌كو ئه‌وه‌ی قورئانی هه‌موو خوێندبێته‌وه‌ جا پێویست به‌وه‌ ناكات خۆی ماندوو بكات له‌ خوێندنه‌وه‌ی قورئان!

    به‌ڵام ناصر محمد یه‌مانی فه‌تواتان بۆ ده‌دات ده‌رباره‌ی سوره‌تی ئیخڵاس به‌وه‌ی كه‌وا حه‌قیقه‌تی هه‌موو ئه‌وه‌یه‌ كه‌وا قورئانی گه‌وره‌ بانگه‌وازی بۆ ده‌كات وه‌ هیدایه‌ت ده‌دات بۆ رێگا و ڕێبازی ڕاستی ئه‌و اللە یە باڵاده‌ست و شایسته‌ی‌ سوپاسگوزاریه كه‌وا سیفاته‌كانی زاتی خۆی له‌ سوره‌تی ئیخڵاسدا پێناساندوون به‌وه‌ی كه‌وا ئه‌و تاك و ته‌نهایه‌ و‌ هیچ پەرستراوێک نی یه‌ ته‌نها ئه‌و پایه‌دار و ده‌سه‌ڵاتداره‌و نیازی به‌كه‌س نی یه‌و هه‌موو ئاتاجی ئه‌ون وه‌ هیچ که‌سی لێ نه‌بووه و خۆشی له که‌س نه‌بووه وه‌ هه‌رگیز هاوتاو هاوشێوهو ده‌سه‌ڵاتدارێکی تر نییه که له‌ به‌رامبه‌ریه‌وه بوه‌ستێت و هاوشانی بێت. ‌
    وه‌ هه‌موو ئه‌وه‌ی له‌ قورئانی گه‌وره‌و هه‌موو كتێبه‌ ئاسمانی یه‌كانیش هاتووه‌ بانگده‌كات بۆ به‌راستدانانی ئه‌وه‌ی له‌ سوره‌تی ئیخڵاسدا هاتووه‌ وه‌ باقی قورئان ده‌بینن قسه‌ ده‌كات ده‌رباره‌ی حه‌قیقه‌تی سوره‌تی ئیخڵاس و‌ بانگتان ده‌كات بۆ ته‌وحیدی په‌روه‌ردگاره‌كه‌تان به‌وه‌ی كه‌وا ئه‌و تاك و ته‌نهایه‌و‌ هیچ پەرستراوێک نی یه‌ ته‌نها ئه‌و نەبێت پایه‌دارو ده‌سه‌ڵاتداره‌و نیازی به‌كه‌س نی یه‌و هه‌موو ئاتاجی ئه‌ون و‌ هیچ که‌سی لێ نه‌بووەو خۆشی له که‌س نه‌بووه وه‌ هه‌رگیز هاوتاو هاوشێوه و ده‌سه‌ڵاتدارێکی تر نییه که له‌به‌رامبه‌ریه‌وه بوه‌ستێت و هاوشانی بێت، ئه‌مه‌ش بریتی یه‌ له‌هه‌موو ئه‌وه‌ی له‌ قورئانی گه‌وره‌دا هاتووه‌ وه‌ به‌هه‌مان شێوه‌ له ‌هه‌موو كتێبه‌ ئاسمانی یه‌كانی پێش خۆشی.

    اللە ی گه‌وره‌ش فه‌رموویه‌تی: {وَمَا أَرْسَلْنَا مِنْ قَبْلِكَ مِنْ رَسُولٍ إِلَّا نُوحِي إِلَيْهِ أَنَّهُ لَا إِلَٰهَ إِلَّا أَنَا فَاعْبُدُونِ} صدق الله العظيم [الأنبياء:٢٥].
    واته‌/ ئێمه پێش تۆ هيچ پێغه‌مبه‌رێکمان ڕەوانه نه‌کردووه‌ که وه‌حيمان بۆ نه‌ناردبێت به‌وه‌ی که‌ بێگومان هيچ پەرستراوێک نيه جگه له من و ده‌بێت هه‌ر من بپه‌رستن.

    جا چۆن ئه‌وه‌ ده‌كه‌نه‌ سێ یه‌كی قورئان، ئایا عه‌قڵتان به‌كار ناهێنن؟ به‌ڵكو هه‌موو ئه‌وه‌ی له‌ قورئاندا هاتووه‌ بانگی حه‌قیقه‌تی ئه‌م قه‌وله‌ قورس و سه‌نگینه‌ ده‌كات كه‌ بریتی یه‌ له‌وه‌ی هیچ پەرستراوێک نی یه‌ جگه‌ له‌ الله‌ ی تاك و ته‌نها، وه‌ به‌شتێكی تریش نازانم كه‌وا له‌ وه‌زنی ئه‌م قسه‌یه‌ قورسترو سه‌نگینتر بێت هه‌تا ته‌نانه‌ت گه‌ر هاتوو ئاسمانه‌كان و زه‌وی و ئه‌وه‌شی له‌نێوانیاندایه‌ له‌ ده‌ستێكدابن و وشه‌ی ته‌وحیدیش له‌ ده‌ستێكی تر ئه‌وا وشه‌ی هیچ پەرستراوێک نی یه‌ ته‌نها الله‌ ی تاك و ته‌نها نه‌بێت‌ پایه‌دار و ده‌سه‌ڵاتداره‌و نیازی به‌كه‌س نی یه‌و هه‌موو ئاتاجی ئه‌ون وه‌ ئه‌و هیچ که‌سی لێ نه‌بووه و خۆشی له که‌س نه‌بووه وه‌ هه‌رگیز هاوتاو هاوشێوه و ده‌سه‌ڵاتدارێکی تر نییه که له‌به‌رامبه‌ریه‌وه بوه‌ستێت و هاوشانی بێت (لا اله‌ الا الله‌ الأحد ولم یكل له‌ كفؤاً أحد) هه‌ر قورسترو سه‌نگینتر ده‌بێت، جا چۆن فه‌توا ده‌رباره‌ی ئه‌و بیرو باوه‌ره‌تان بده‌م به‌وه‌ی كه‌وا سێ یه‌كی قورئانه‌؟ ئایا لە اللە ناترسن؟‌ ‌

    شه‌شه‌م: نه‌فی ئه‌و بیروباوه‌ره‌‌ باتڵ و پوچه‌تان ده‌كه‌م به‌وه‌ی كه‌ رێگای راست (الصراط المُستقيم) به‌ره‌و ئاگری جه‌هه‌ننه‌مت ده‌بات، له‌وه‌یه‌ یه‌كێك له‌ زانایانی ئومه‌ت یا یه‌كێك له‌ موسڵمانان بیه‌وێت بڵێت: "جا ئه‌وه‌ كێ یه‌ ده‌ڵێت كه‌ رێگای راست به‌ره‌و ئاگری جه‌هه‌ننه‌مت ده‌بات؟". جا ده‌ڵێین: بیرو باوه‌ری به‌تاڵ و پوچی مه‌دسوس رێگای حه‌ق و رێگای به‌تاڵی كردووه‌ به‌یه‌ك رێگا كه‌وا به‌سه‌ر ئاگری جه‌هه‌ننه‌مدا تێپه‌رده‌بێت جا ئه‌هلی ئاگر ده‌كه‌ونه‌ ئاگره‌وه‌و هاوه‌ڵانی به‌هه‌شتیش ئه‌م رێگایه‌ تێده‌په‌رێنن له‌سه‌ر ئاگری جه‌هه‌ننه‌م پاشان ده‌خرێنه‌ به‌هه‌شته‌وه.
    له‌وه‌یه‌ یه‌كێكتان ئه‌ی گه‌لی زانایانی ئومه‌ت بیه‌وێت بمپچرێنێت جا بڵێت: "به‌ڵكو رێگای راست تیژتره‌ له‌ شمشێرو باریكتریشه‌ له‌ موو ئه‌وه‌ش ئه‌و قسه‌یه‌ كه‌وا پێغه‌مبه‌ر عليه الصلاة والسلام وتویه‌تی، وه‌ ئه‌م رێگایه‌ به‌سه‌ر ئاگردا تێپه‌ر ده‌بێت جا هاوه‌ڵانی ئاگری ده‌كه‌ونه‌ ناو". جا له‌ پاش ئه‌وه‌ ئایه‌ته‌ موته‌شابیهه‌كانم بۆ دێنێته‌وه‌ كه‌وا له‌گه‌ڵ ریوایاته‌ فیتنه‌كان رێككه‌وتووه‌ له‌ ده‌ره‌وه‌یاندا له‌كاتێكدا ئه‌م ئایه‌تانه‌ هێشتا پێویستی به‌ ته‌ئویل و لێكدانه‌وه هه‌یه‌ جا ده‌ڵێت:
    " یا ئه‌ی ناصر یه‌مانی ئه‌وه‌ت نه‌خوێندۆته‌وه‌ كه‌وا اللە ی گه‌وره ده‌فه‌رموێت‌: {وَإِنَّ الَّذِينَ لَا يُؤْمِنُونَ بِالْآخِرَةِ عَنِ الصِّرَاطِ لَنَاكِبُونَ} صدق الله العظيم [المؤمنون:٧٤]. به‌هه‌مان شێوه‌ ئه‌وه‌ت نه‌خوێندۆته‌وه‌ ئه‌ی ناصر یه‌مانی كه‌ اللە ی گه‌وره‌ ده‌فه‌رموێت:{وَإِنْ مِنْكُمْ إِلَّا وَارِدُهَا كَانَ عَلَىٰ رَبِّكَ حَتْمًا مَقْضِيًّا ﴿٧١﴾ ثُمَّ نُنَجِّي الَّذِينَ اتَّقَوْا وَنَذَرُ الظَّالِمِينَ فِيهَا جِثِيًّا ﴿٧٢﴾} صدق الله العظيم [مريم]؟".

    جا له‌پاش ئه‌وه‌ مه‌هدی چاوه‌روانكراوی حه‌ق ئیمام ناصر محمد یه‌مانی ره‌ددی ده‌داته‌وه‌ جا پێتان ده‌ڵێم: ئه‌ی گه‌لی زانایانی ئومه‌ت به‌راستی من بانگتان نا‌كه‌م بۆ لای حوكم كردن به‌ ئایه‌ته‌ موته‌شابیهه‌كان له‌گه‌ڵ فه‌رمووده‌ فیتنه‌كان؛ به‌ڵكو بانگتان ده‌كه‌م بۆ لای حوكم كردن به‌ ئایه‌ته‌ محكه‌مه‌ روون و ئاشكراكان ئه‌وانه‌ی كه‌وا اللە نه‌یگێراوه‌ به‌ ئه‌سه‌فی ناصر یه‌مانی و هه‌موو ئه‌وانه‌شی كه‌وا له‌ زانستدا رۆده‌چن تاكو ته‌ئویل و لێكدانه‌وه‌كانیتان بۆ بێنن؛ به‌ڵكو اللە كردوونی به‌ كۆمه‌ڵه‌ ئایه‌تێكی روون و ئاشكراو دیار له‌به‌ر ئه‌وه‌ی ئه‌م ئایه‌تانه‌ بنچینه‌ی كتێبن له‌به‌ر ئه‌وه‌ اللە كردوونی به‌ ئایه‌تی روون و ئاشكرا بۆ زاناو نه‌زانه‌كانتان جا كه‌س پێی له‌خشته‌ ناچێت مه‌گه‌ر ته‌نها له‌ناوچووه‌كان نه‌بن،‌ وه‌ حه‌تمه‌ن ئه‌وانه‌ی كه‌وا زیغ و لاری و لادان له‌دڵیان هه‌یه‌ له‌ به‌رامبه‌ر ئه‌و حه‌قه‌ روون و ئاشكرایه‌ی تێیاندایه ئه‌وا‌ به‌دوای ئایه‌ته‌ موته‌شابیهه‌كان له‌گه‌ڵ فه‌رمووده‌و ریوایانه‌ فیتنه‌كان ده‌كه‌وێت و ئایه‌ته‌ محكه‌مه‌ روون راشكاوو رۆشنه‌كان فرێ ده‌داته‌ پشتی خۆیه‌وه‌و ده‌ست به‌ئایه‌ته‌ موته‌شابیهه‌كانه‌وه‌ له‌گه‌ڵ فه‌رمووده‌ هه‌ڵبه‌ستراوه‌كان ده‌گرێت، ئه‌مه‌ش له‌به‌ر ئه‌وه‌ی سه‌لماندنی فه‌رمووده‌ فیتنه‌كه‌ی ده‌وێت له‌به‌ر ئه‌وه‌ی ده‌یه‌وێت ته‌نها ده‌ست به‌ سوونه‌ته‌وه‌ بگرێت له‌ولاشه‌وه‌ ئایه‌ته‌ موته‌شابیهه‌كان سه‌رسامی كردووه‌ له‌ قورئاندا له‌گه‌ڵ ئه‌م فه‌رمووده‌ فیتنه‌یه‌ له‌گه‌ڵ ئه‌وه‌شی ده‌زانێت ئه‌م ئایه‌تانه‌ هێشتا پێویستیان به‌ ته‌ئویل و لێكدانه‌وه‌ هه‌یه‌ جا واده‌زێت ئه‌م فه‌رموودانه‌ بۆ ته‌ئویلی ئه‌م ئایه‌تانه‌ هاتوون‌ جا به‌هه‌مان شێوه‌ ده‌یه‌وێت ته‌ئویلی ئایه‌ته‌ موته‌شابیهه‌كه‌ بكات له‌ قورئاندا هه‌ر له‌به‌رئه‌وه‌ش اللە ی گه‌وره‌ فه‌رموویه‌تی: {هُوَ الَّذِي أَنْزَلَ عَلَيْكَ الْكِتَابَ مِنْهُ آيَاتٌ مُحْكَمَاتٌ هُنَّ أُمُّ الْكِتَابِ وَأُخَرُ مُتَشَابِهَاتٌ فَأَمَّا الَّذِينَ فِي قُلُوبِهِمْ زَيْغٌ فَيَتَّبِعُونَ مَا تَشَابَهَ مِنْهُ ابْتِغَاءَ الْفِتْنَةِ وَابْتِغَاءَ تَأْوِيلِهِ وَمَا يَعْلَمُ تَأْوِيلَهُ إِلَّا اللَّهُ وَالرَّاسِخُونَ فِي الْعِلْمِ يَقُولُونَ آمَنَّا بِهِ كُلٌّ مِنْ عِنْدِ رَبِّنَا وَمَا يَذَّكَّرُ إِلَّا أُولُو الْأَلْبَابِ} صدق الله العظيم [آل‌عمران:٧]
    واته‌/ ئه‌و اللە یە زاتێکه که قورئانی بۆ سه‌ر تۆ نارده خواره‌وه‌ به‌شێک له ئایه‌ته‌کانی محكم و دامه‌زراوو و ڕوون و ئاشکران ئه‌وانه(ئه‌م ئایه‌ته‌ رۆشن و ئاشكرایانه‌ كه‌ پێوویست به‌لێكدانه‌وه‌یان ناكات) بنچینه‌و بناغه‌ی قورئانه‌که‌ن و هه‌ندێکی تریشی موته‌شابیهن و واتای جۆراوجۆر هه‌ڵده‌گرن و به ئاسانی نازانرێن جا ئه‌وانه‌ی که له دڵیاندا لاری و لادان هه‌یه‌ حه‌ز له حه‌ق و ڕاستی ناکه‌ن ئه‌وانه شوێنی ئه‌و ئایه‌تانه ده‌که‌ون که (متشابهن) و مانای جۆراو جۆر و فراوانیان هه‌یه ‌(واته‌ واز له‌‌ئایه‌ته ‌رۆشن وئاشكراكان ده‌هێنن كه‌ پێویستیان به‌لێكدانه‌وه‌ نی یه‌و روون وئاشكران به‌دوای جۆری دووه‌می ئایه‌ته‌كان ده‌كه‌ون كه‌ موته‌شابیهن وبه‌ئاسانی مانایان نازانرێن) ئه‌مه‌ش بۆئه‌وه‌ی فیتنه دروست بکه‌ن یان بۆ ئه‌وه‌ی لێکدانه‌وه‌ی بكه‌ن له حاڵێکدا که لێکدانه‌وه‌ی ئه‌و جۆره ئایه‌تانه هه‌ر اللە خۆی ده‌یزانێت جا ئه‌و که‌سانه‌ی که ‌له زانستدا ڕۆچوون (اللە فێریان ده‌كات) و ده‌ڵێن: ئێمه باوه‌ڕی دامه‌زراومان به‌هه‌ر هه‌موو (ئه‌و ئایه‌تانه‌) هه‌یه که له‌لایه‌ن په‌روه‌ردگارمانه‌وه‌یه و فه‌رمایشی ئه‌وه‌، (له‌ڕاستیدا) بێجگه له خاوه‌ن بیر و ژیره‌کان نه‌بن كه‌سی تر لێیان تێناگات و یاده‌وه‌ری وه‌رناگرن.

    وه‌ ئه‌گه‌ر بێتو له‌م‌ ئایه‌ته‌ی كه‌وا ووریاتان ده‌كاته‌وه‌ له‌ به‌دواكه‌وتنی ئایه‌ته‌ موته‌شابیهه‌كان له‌گه‌ڵ فه‌رمووده‌ فیتنه‌كان وورد ببنه‌وه‌ له‌گه‌ڵ ئه‌وه‌ی ئه‌م فه‌رموودانه‌ش مخالف و دژی ئایه‌ته‌ محكه‌مه‌كانن له‌ قورئاندا له‌ نه‌فسی بابه‌ته‌كه‌دا، ئه‌وا دواتر ده‌بینن به‌وه‌ی اللە ده‌ڵێته‌ ئه‌وانه‌ی كه‌وا به‌دوای موته‌شابیهه‌كان ده‌كه‌ون ئه‌و كه‌سانه‌ فیتنه‌ بڵاوده‌كه‌نه‌وه‌ جا ئایا وا گومان ده‌به‌ن به‌وه‌ی ئه‌م زانایه‌ی كه‌وا به‌دوای موته‌شابیهه‌كه‌ كه‌وتوه‌ فیتنه‌ی‌ بۆ ئومه‌ته‌كه‌ی ده‌وێت؟ نه‌خێر پاشانیش نه‌خێر، جا گه‌ر فیتنه‌ی بۆ ئومه‌ت بویستبایه‌ ئه‌وا اللە ده‌رباره‌ی نه‌ده‌فه‌رموو كه‌وا ئه‌و به‌هه‌مان شێوه ته‌ئویل و لێكدانه‌وه‌ی به‌حه‌قی قورئانی ده‌وێت له‌وه‌ی اللە ی گه‌وره‌ ده‌فه‌رموێت:‌ {ابْتِغاءَ الفِتْنَة وَابْتِغاءَ تَأْويلِهِ} واته‌/ {بۆئه‌وه‌ی فیتنه دروست بکه‌ن یان بۆ ئه‌وه‌ی لێکدانه‌وه‌ی بكه‌ن}، كه‌واته‌ ئایا مه‌به‌ستی ئه‌م ئایه‌ته‌ چی یه‌ كه‌وا ده‌رباره‌ی ئه‌و زانایانه‌ قسه‌ ده‌كات به‌وه‌ی فیتنه‌ و ئاشوب بڵاوده‌كه‌نه‌وه‌ وه‌ به‌هه‌مان شێوه ته‌ئویل و لێكدانه‌وه‌ی قورئانیان ده‌وێت؟‌

    جا دواتر به‌حه‌ق فه‌تواتان بۆ ده‌ده‌ین به‌وه‌ی كه‌ ئه‌وانه‌ له‌و زانا موجته‌هیدانه‌ن كه‌وا ده‌یانه‌وێت ته‌ئویلی ئایه‌ته‌ موته‌شابیهه‌كانی قورئان بكه‌ن له‌گه‌ڵ ئه‌و فه‌رمووده‌ فیتنانه‌ی كه‌وا ده‌ستیان پێوه‌ گرتووه‌ جا واگومان ده‌به‌ن به‌وه‌ی ئه‌م فه‌رموودانه‌ بۆ ته‌ئویلی ئه‌م ئایه‌ته‌ موته‌شابیهانه‌ هاتوون له‌گه‌ڵ فه‌رمووده‌ فیتنه‌كاندا جگه‌ له‌وه‌ی نازانن ئه‌و فه‌رموودانه‌ فیتنه‌و هه‌ڵبه‌ستراون له‌لایه‌ن شه‌یتانه‌ به‌شه‌ره‌كانی یه‌هوده‌وه‌؛ به‌ڵكو واگومان ده‌به‌ن له‌ پێغه‌مبه‌ری اللە وەن صلَّى الله عليه وآله وسلَّم.

    وه‌ ئه‌وه‌ی ده‌مویست بیڵێم ئه‌ی برایانی موسڵمانم ئه‌وه‌یه‌ كه‌ له‌به‌رچی واز له‌ ته‌ئویل و لێكدانه‌وه‌ی موتاشابیهه‌كان ناهێنن ئه‌و ئایه‌تانه‌ی كه‌وا كه‌س ته‌ئویل و لێكدانه‌وه‌كانیان نازانێت ته‌نها اللە به‌ته‌نها وه‌ فێری ئه‌وانه‌ی ده‌كات كه‌وا رۆچوون له‌ زانستدا جا له‌پاش ئه‌وه‌ ده‌ست بگرن به‌ ئایه‌ته‌ محكه‌مه‌ روون و ئاشكراكان ئه‌و ئایه‌تانه‌ی كه‌وا اللە كردوونی به‌ دایک وبنچینه‌ی كتێب له‌ ڕاستكردنه‌وه‌ی بیروباوه‌ری موسڵمان وه‌ كه‌س پێیان له‌خشته‌ ناچێت مه‌گه‌ر ته‌نها ئه‌وه‌ی له‌ناوچووه‌، جا ئه‌گه‌ر گه‌رانه‌وه‌ بۆ ئایه‌ته‌ محكه‌مه‌كان ده‌رباره‌ی رێگای راست (صراط المستقيم) ئه‌وا دواتر ده‌بینن له‌ كتێبدا رێگای راست بریتی یه‌ له‌ رێگای راستی اللە ی باڵاده‌ست و شایسته‌ی سوپاسگوزاری كه‌وا ئه‌وه‌ی بیگرێته‌ به‌ر بۆ نیعمه‌تی ده‌بات نه‌وه‌ك بۆ جه‌هه‌ننه‌م وه‌ ئه‌و كه‌سانه‌ نه‌ ترس و بیمیان له‌سه‌ره‌ نه خه‌م و په‌ژاره‌ش روویان تێده‌كات، وه‌ ئه‌وه‌ی مرد و ئه‌م رێگایه‌ی گرته‌ به‌ر ئه‌وا ده‌بینین رێگای صیراط ده‌یخاته‌ به‌هه‌شته‌وه‌ چونكه ده‌بینین رێگای راست به‌ره‌و نیعمه‌تی به‌هه‌شتی ده‌بات نه‌وه‌ك خه‌ڵكی به‌سه‌ر رێگای راستدا برۆن له‌ ئاخیره‌تدا نه‌خێر و نه‌خێر، جا له‌وێدا هیچ كاروكرده‌وه‌یه‌ك‌ به‌بێ حساب و لێپرسینه‌وه‌ نی یه‌؛ به‌ڵكو تێپه‌ربوون و گرتنی رێگای راست له‌ دنیادایه‌ تا ئه‌و كاته‌ی مردنی بۆ دێت له‌كاتێكدا له‌سه‌ر رێگای راستی اللە ی باڵاده‌ستی شایسته‌ی سوپاسگوزاری بێت جا له‌پاش ئه‌وه‌ ئه‌م رێگایه‌ ده‌یخاته‌ به‌هه‌شته‌وه‌.
    به‌ڵكو رێگای راست رێگایه‌كی مه‌عنه‌وی بیروباوه‌ریه‌؛ رێگای دڵێكی بینایه، جا ئه‌وه‌ی ده‌یه‌وێت رێگای راستی اللە ی باڵاده‌ستی شایسته‌ی سوپاسگوزاری بگرێت با كاربكات به‌ كاروكرده‌وه‌ی چاك و هیچ كه‌س نه‌كاته‌ شه‌ریك و هاوه‌ڵ له‌ په‌رستنی په‌روه‌ردگاره‌كه‌ی جا ئه‌مه‌ رێگاو رێبازی‌ چاكه‌كارانه‌‌. وه ‌هه‌رچی رێگاو رێبازه‌كه‌ی تره‌ ئه‌وه‌ بریتی یه‌ له‌ رێگای تاغوت و به‌ره‌و‌ ئاگری جه‌هه‌ننه‌می ده‌بات جا گه‌ر مرد و له‌سه‌ر رێگای گومرایی و سه‌رلێشێواوی بوو ئه‌وه‌ ده‌خرێته‌ ئاگره‌وه‌.
    وه‌ اللە رێگای چاكه‌كاران و رێگای بێباوه‌رانی نه‌كردووه‌ به‌ یه‌ك رێگا به‌ره‌و ئاگری جه‌هه‌ننه‌میان ببات، جا چۆن بریاری واده‌ده‌ن؟ به‌ڵكو ئه‌وانه‌ دوو رێگان له‌ دوو ئاراسته‌ی پێچه‌وانه‌دا، جا ده‌بینن رێگایه‌كی ئه‌وه‌ی بیگرته‌ به‌ر رازی بوونی اللە ده‌باته‌وه‌ هه‌رچی رێگاكه‌ی تره‌ ئه‌وه‌ی بیگریته‌ به‌ر ئه‌وا تووره‌یی اللە ی به‌ده‌ستهێناوه‌ وه‌ دوژمنه‌كه‌ی شه‌یتانی نه‌فره‌تلێكراوی رازیكردووه‌. اللە ی گه‌وره‌ش فه‌رموویه‌تی: {أَلَمْ نَجْعَلْ لَهُ عَيْنَيْنِ ﴿٨﴾ وَلِسَانًا وَشَفَتَيْنِ ﴿٩﴾ وَهَدَيْنَاهُ النَّجْدَيْنِ ﴿١٠﴾} صدق الله العظيم [البلد].
    واته‌/ ئایا دوو چاومان پێنه‌به‌خشیووه‌ (٨) هه‌روه‌ها زمان و دوو لێوه‌شمان پێ نه‌به‌خشیووه (٩) وه‌ دوو رێگاشمان (رێگای راست و رێگای چه‌وت) نیشان نه‌داوه؟‌ (١٠).

    جا رێگای حه‌ق به‌ره‌و نیعمه‌تت ده‌بات و رێگای تاغوتیش بانگی حزبه‌كه‌ی ده‌كات تاوه‌كو ببن به‌ هاوه‌ڵی ئاگری جه‌هه‌ننه‌م. اللە ی گه‌وره‌ش فه‌رموویه‌تی: {إِنَّا هَدَيْنَاهُ السَّبِيلَ إِمَّا شَاكِرًا وَإِمَّا كَفُورًا} صدق الله العظيم [الانسان:٣]،
    واته‌/ به‌ڕاستی ئێمه ڕێنموونیمان کرد بۆ ڕێگای ڕاست جا ده‌توانێت ببێته که‌سێكی سوپاسگوزار یان بێ باوه‌ڕ.
    جا گه‌ر رێگای حه‌قی گرتبێته‌ به‌ر ئه‌وا له‌ سوپاسگوزارانه‌ بۆ په‌روه‌ردگاره‌كه‌ی وه‌ ئه‌گه‌ر پاشه‌وپاش پشتی هه‌ڵكرد و رێگای مخالف و دژی رێگای راستی گرته‌ به‌ر ئه‌وه‌ له‌ كافرو بێباوه‌رانه‌.

    وه‌ ئه‌ی گه‌لی زانایانی ئومه‌ت نایبینم له‌ كتێبدا گرتنی رێگای راست بوونی هه‌بێت له‌ ئاخیره‌ت له‌سه‌ر ئاگری جه‌هه‌ننه‌مدا؛ به‌ڵكو ئه‌وه‌ له‌دنیادایه‌ جا عه‌جه‌ب له‌و قسه‌یه‌تان! ئایا نابینن له‌رۆژێكدا چه‌ندین جار له‌هه‌موو ركاته‌كان ده‌ڵێن: {بِسْمِ اللَّهِ الرَّحْمَٰنِ الرَّحِيمِ ﴿١﴾ الْحَمْدُ لِلَّهِ ربّ العالمين ﴿٢﴾ الرَّحْمَٰنِ الرَّحِيمِ ﴿٣﴾ مَالِكِ يَوْمِ الدِّينِ ﴿٤﴾ إِيَّاكَ نَعْبُدُ وَإِيَّاكَ نَسْتَعِينُ ﴿٥﴾ اهْدِنَا الصِّرَاطَ الْمُسْتَقِيمَ ﴿٦﴾ صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ ﴿٧﴾} صدق الله العظيم [الفاتحة].
    واته‌/ به ناوی اللە ی لەهەموو میهرەبانان و بە بەزەییەکان میهرەبانترو بە بەزەییتر (١) ‌سوپاس و ستایش هه‌ر شایسته‌ی الە یەو و بۆ اللە یە که خاوه‌ن و په‌روه‌ردگاری هه‌موو جیهانه‌ (٢) به‌خشنده‌و میهره‌بان‌ (٣) خاوه‌ن و پادشای ڕۆژی پاداشت و سزایه (٤) هەر ته‌نها تۆ ده‌په‌رستین و هه‌ر له‌تۆش داوای یارمه‌تی و پشتیوانی ده‌که‌ین (٥) ڕێنموونیمان بكه‌ بۆ رێگای ڕاست و دروست (٦) ڕێگای ئه‌وانه‌ی له نیعمه‌تی خۆت به‌هره‌وه‌رت کردوون نه‌مانخه‌یته سه‌ر ڕێگای ئه‌وانه‌ی خه‌شم و قینیان لێگیراوه هه‌روه‌ها نه‌مانخاته سه‌ر ڕێگای ئه‌وانه‌ش که سه‌رگه‌ردان و گومڕان (٧).

    به‌ڵام ئێوه‌ رێگای حه‌ق و چه‌وتتان به‌بیروباوه‌ره‌كه‌تان كردووه‌ به‌یه‌ك رێگا له‌گه‌ڵ ئه‌وه‌ی ده‌شڵێن رێگای ئه‌وانه‌ نا كه خه‌شم وقینیان لێگیراوه‌ له‌ دوعای فاتیحه‌دا:‌ {اهْدِنَا الصِّرَاطَ الْمُسْتَقِيمَ ﴿٦﴾ صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ} صدق الله العظيم،
    واته‌/ ڕێنموونیمان بكه‌ بۆ رێگای ڕاست و دروست (٦) ڕێگای ئه‌وانه‌ی له نیعمه‌تی خۆت به‌هره‌وه‌رت کردوون نه‌مانخه‌یته سه‌ر ڕێگای ئه‌وانه‌ی خه‌شم و قینیان لێگیراوه هه‌روه‌ها نه‌مانخاته سه‌ر ڕێگای ئه‌وانه‌ش که سه‌رگه‌ردان و گومڕان (٧).
    وه‌ له‌هه‌موو ئایه‌ته‌كانی ده‌رباره‌ی صیرات له‌ كتێبدا ده‌بینن كه‌ له‌ دنیادا رێگایه‌كی مه‌عنه‌وی بیروباوه‌ریه‌ كه‌وا ئه‌وانه‌ی خاوه‌نی دڵێكی بینان ده‌یگرنه‌ به‌ر، اللە ی گه‌وره‌ش فه‌رموویه‌تی: {وَهُدُوا إِلَى الطَّيِّبِ مِنَ الْقَوْلِ وَهُدُوا إِلَىٰ صِرَاطِ الْحَمِيدِ} صدق الله العظيم [الحج:٢٤].
    واته‌/ ئه‌و به‌خته‌وه‌رانه ڕێنموویی کراون بۆ چاك و پاك هه‌روه‌ها پێشتر ڕێنموویی کرابوون بۆ ڕێگای ئه‌و په‌روه‌ردگاره‌ی که شایسته‌ی سوپاسه‌.

    جا چۆن رێگای راست به‌ره‌و ئاگری جه‌هه‌ننه‌م ده‌تبات پاشان بۆ به‌هه‌شت؟ ئایا عه‌قڵتان ناخه‌نه‌كار؟ له‌ كاتێكدا ئه‌م رێگایه‌ بریتی یه‌ له‌ رێگای ئه‌من و ئه‌مان وه‌ خاوه‌نه‌كه‌ی ئامن ده‌كات له‌ رۆژی قیامه‌تدا، جا ئایا له‌ اللە ناترسن؟ اللە ی گه‌وره‌ش فه‌رموویه‌تی: {وَإِنَّكَ لَتَدْعُوهُمْ إِلَىٰ صِرَاطٍ مُسْتَقِيمٍ} صدق الله العظيم [المؤمنون:٧٣]
    واته‌/ بێگومان تۆش بانگیان ده‌که‌یت بۆ ڕێگا‌یه‌كی ڕاست و دروست.

    وه‌ گرتبه‌به‌ری ئه‌م رێگایه‌ له‌ دنیادایه‌‌ نه‌وه‌ك له‌ ئاخیره‌ت، هه‌رچی له‌ ئاخیره‌تیشه‌ ئه‌وا رێگای به‌هه‌شت و ئاگر مه‌عنه‌وی نی یه‌، به‌ڵكو رگای به‌هه‌شت به‌ره‌و به‌هه‌شت ده‌تبات و رێگایه‌كه‌ی تر به‌ره‌و ئاگری جه‌هه‌ننه‌م ده‌تبات اللە ی گه‌وره‌ش فه‌رموویه‌تی: {احْشُرُوا الَّذِينَ ظَلَمُوا وَأَزْوَاجَهُمْ وَمَا كَانُوا يَعْبُدُونَ ﴿٢٢﴾ مِنْ دُونِ اللَّهِ فَاهْدُوهُمْ إِلَىٰ صِرَاطِ الْجَحِيمِ ﴿٢٣﴾} صدق الله العظيم [الصافات]
    واته‌/ اللە ی گه‌وره فه‌رمانده‌دا هه‌موو ئه‌وانه‌ی سته‌میان کردووه له‌گه‌ڵ هاوسه‌ره‌كانیان کۆیان بکه‌نه‌وه ئه‌و شتانه‌ش که ده‌یانپه‌رست (٢٢) له‌جیاتی اللە ئینجا هه‌موویان بێ جیاكردنه‌وه‌ (خۆیان وهاوسه‌ره‌كانیان ئه‌وانه‌شی ده‌یانپه‌رستن له‌جێگای اللە) ڕێنمایی بکه‌ن بۆ ڕێگا‌ی دۆزه‌خ (٢٣).

    واشنازانم ئه‌م ئایه‌ته‌ پێوسیتی به‌ ته‌ئویل و لێكدانه‌وه‌ هه‌بێت به‌ره‌چاوكردنی ئه‌وه‌ی چونكه‌ له‌ ئایه‌ته‌ محكه‌مه‌ روون و ئاشكراكانه‌ كه‌وا ده‌ریده‌خات به‌وه‌ی رێگای به‌ره‌و ئاگر هه‌مان رێگا‌ی به‌ره‌و به‌هه‌شت نی یه‌ به‌ڵام ئێوه‌ به‌ بیروباوه‌ره‌كه‌تان كردووتانن به‌یه‌ك رێگا كه‌وا به‌ره‌و ئاگری جه‌هه‌ننه‌م ده‌تبات كه‌ هه‌مان ئه‌و رێگایه‌ ده‌تبات به‌ره‌و به‌هه‌شت، به‌ڵكو كه‌ ئه‌هلی ئاگری به‌سه‌ری داده‌رۆن ده‌كه‌ونه‌ ناو ئاگره‌كه‌وه‌! جا گه‌ر ئه‌م بیروباوه‌ره‌ حه‌ق و راست بووایه‌ ئه‌وا ئه‌م ئایه‌ته‌تان نه‌ده‌دی له‌ قورئاندا به‌وه‌ی ده‌ستنیشانی كردووه‌ رێگای به‌ره‌و ئاگر بریتی نی یه‌ له‌هه‌مان ئه‌و رێگایه‌ی ده‌تبات به‌ره‌و به‌هه‌شت، وه‌ هه‌رگیز ئه‌م ئایه‌ته‌ش ته‌فسیر ناكه‌م چونكه‌ ئایه‌تێكی روونه‌ وه ‌به‌هه‌مان شێوه‌ له‌قورئانی گه‌وره‌دا هه‌یه‌ هه‌ر له‌ ریزی ئایه‌ته‌ محكه‌مه‌كان ده‌ڵێت ئه‌و كاته‌ی هاوه‌ڵانی ئاگر راپێچ ده‌كرێن به‌ره‌و رووی ئاگر ئه‌وا جیاده‌كرێنه‌وه‌ بۆ حه‌وت كۆمه‌ڵ و تاقم به‌ره‌و ئاراسته‌و رووی حه‌وت ده‌رگاكه‌ی جه‌هه‌ننه‌م جا بۆ هه‌ر ده‌رگایه‌كی به‌شێكی دیاری كراو هه‌یه‌، وه‌به‌هه‌مان شێوه‌ هاوه‌ڵانی به‌هه‌شتیش رووده‌كه‌نه‌ به‌هه‌شت به‌تاقم و ده‌سته‌ ده‌سته‌ جا ئه‌مه‌ش سه‌رو بنی پێچه‌وانه‌و مخالفی ئه‌و بیروباوه‌ره‌یه‌ كه‌وا برواتان پێی هه‌یه‌ به‌ ته‌واوی؛ به‌ڵكو به‌ ئیختیلافێكی زۆریشه‌وه‌ وه‌ نه‌فی ئه‌و بیروباوه‌ره‌تان ده‌كات به‌وه‌ی خه‌ڵكی هه‌موویان به‌ره‌و رووی ئاگری جه‌هه‌ننه‌م راپێچ ده‌كرێن تاوه‌كو ئه‌و رێگا راسته‌ بگرنه‌ به‌ر كه‌وا درێژ بۆته‌وه‌ به‌سه‌ر ئاگری جه‌هه‌ننه‌مدا جا هه‌یانه‌ له‌سه‌ر ئه‌م رێگایه‌دا ده‌كه‌ویته‌ ئاگری جه‌هه‌ننه‌مه‌وه‌و ئه‌وانی تریش به‌رده‌وام ده‌بن له‌ گرتنی رێگای راستی درێژ بووه‌وه له‌سه‌ر ئاگری جه‌هه‌ننه‌مدا تاوه‌كو ده‌خرێنه‌ به‌هه‌شته‌وه‌، به‌ڵام ئایه‌ته‌ محكه‌مه‌كان بۆ ئه‌م بیرو باوه‌ره‌تان له‌ بۆرسه‌دان بۆتان و دواتر ده‌بینن ئایه‌ته‌ محكه‌مه‌كان له‌م باره‌یه‌وه‌ پێچه‌وانه‌و مخالفی ئه‌م بیروباوه‌ره‌ پوچ و به‌تاڵه‌یه‌، جا سه‌یری ئه‌م ئایه‌ته‌ محكه‌م و روون و ئاشكرایه‌ بكه‌ن كه‌وا اللە نه‌یكردووه‌ به‌ئه‌سه‌فی ناصر محمد یه‌مانی تاكو بۆ ئومه‌ت لێكی بداته‌وه‌و ته‌ئویلی بكات، وه‌ نه‌یكردووه‌ به‌ئه‌سه‌ف بۆ هه‌موو ئه‌وانه‌ی كه‌وا رۆده‌چن له‌زانستدا بۆ ته‌ئویلكردنی به‌ره‌چاوكردنی ئه‌وه‌ی چونكه‌ روون و ئاشكرایه‌ و به‌ته‌واوی و تێروته‌سه‌لی له‌لایه‌ن اللە ی زاناو داناوه‌ باسكراوه‌ اللە ی گه‌وره‌ش فه‌رموویه‌تی:‌ {وَنُفِخَ فِي الصُّورِ فَصَعِقَ مَنْ فِي السَّمَاوَاتِ وَمَنْ فِي الْأَرْضِ إِلَّا مَنْ شَاءَ اللَّهُ ثُمَّ نُفِخَ فِيهِ أُخْرَىٰ فَإِذَا هُمْ قِيَامٌ يَنْظُرُونَ ﴿٦٨﴾ وَأَشْرَقَتِ الْأَرْضُ بِنُورِ رَبِّهَا وَوُضِعَ الْكِتَابُ وَجِيءَ بِالنَّبِيِّينَ وَالشُّهَدَاءِ وَقُضِيَ بَيْنَهُمْ بالحقّ وَهُمْ لَا يُظْلَمُونَ ﴿٦٩﴾ وَوُفِّيَتْ كُلُّ نَفْسٍ مَا عَمِلَتْ وَهُوَ أَعْلَمُ بِمَا يَفْعَلُونَ ﴿٧٠﴾ وَسِيقَ الَّذِينَ كَفَرُوا إِلَىٰ جَهَنَّمَ زُمَرًا حَتَّىٰ إِذَا جَاءُوهَا فُتِحَتْ أَبْوَابُهَا وَقَالَ لَهُمْ خَزَنَتُهَا أَلَمْ يَأْتِكُمْ رُسُلٌ مِنْكُمْ يَتْلُونَ عَلَيْكُمْ آيَاتِ رَبِّكُمْ وَيُنْذِرُونَكُمْ لِقَاءَ يَوْمِكُمْ هَٰذَا قَالُوا بَلَىٰ وَلَٰكِنْ حَقَّتْ كَلِمَةُ الْعَذَابِ عَلَى الْكَافِرِينَ ﴿٧١﴾ قِيلَ ادْخُلُوا أَبْوَابَ جَهَنَّمَ خَالِدِينَ فِيهَا فَبِئْسَ مَثْوَى الْمُتَكَبِّرِينَ ﴿٧٢﴾ وَسِيقَ الَّذِينَ اتَّقَوْا رَبَّهُمْ إِلَى الْجَنَّةِ زُمَرًا حَتَّىٰ إِذَا جَاءُوهَا وَفُتِحَتْ أَبْوَابُهَا وَقَالَ لَهُمْ خَزَنَتُهَا سَلَامٌ عَلَيْكُمْ طِبْتُمْ فَادْخُلُوهَا خَالِدِينَ ﴿٧٣﴾} صدق الله العظيم [الزمر].
    واته‌/ له‌و ڕۆژه‌دا فوو ده‌کرێت به صور دا هه‌ر که‌س له ئاسمانه‌کان و زه‌ویدا مابێت خێرا ده‌مرێت مه‌گه‌ر که‌سێک اللە ویستی له‌سه‌ر مردنی نه بێت له‌وه‌ودوا فوویه‌کی تری پیادا ده‌کرێته‌وه‌ جا ده‌ستبه‌جێ هه‌رهه‌موو خه‌ڵکی هه‌ستاونه‌ته سه‌رپێ و به‌سه‌رسامیه‌وه چاوه‌ڕوانن (٦٨) وه‌ زه‌وی ڕوناک ده‌بێته‌وه‌ به‌ نوری په‌روه‌ردگاره‌ی کارنامه‌و و دۆسیه‌کانیش دانراون وه‌ پێغه‌مبه‌ران و شا‌هێدان ده‌هێنرێن و دادوه‌ری به‌حه‌ق له نێوانیاندا ئه‌نجام ده‌درێت و ئه‌وان هیچ جۆره سته‌مێکیان لێ ناکرێت (٦٩) هه‌ر که‌سه ئه‌نجامی کرده‌وه‌ی خۆی وه‌رده‌گرێت به‌ته‌واوی و سه‌رئه‌نجامی کۆششی خۆی ده‌ست ده‌که‌وێت چونکه ئه‌و زاته زانایه به‌و کارو کرده‌وانه‌ی که خه‌ڵکی ده‌یکه‌ن (٧٠) ئه‌وسا ئه‌وانه‌ی که بێ باوه‌ڕ بوون ڕاپێچ ده‌کرێن به‌ره‌و دۆزه‌خ ده‌سته ده‌سته و تاقم تاقم هه‌تا کاتێک ده‌گه‌نه به‌ر ده‌رگاكانی و بۆیان ده‌کرێته‌وه فریشته‌ی به‌رپرس و سه‌رپه‌رشتیار پێیان ده‌ڵێن باشه‌ مه‌گه‌ر پێغه‌مبه‌ران له خۆتان ڕه‌وانه نه‌کرابوو بۆتان که ئایه‌ته‌کانی په‌روه‌ردگاری خۆتان به‌سه‌ردا بخوێنێته‌وه‌ و یاداوه‌ریتان بکات و داتان بچڵه‌کێنێت له گه‌یشتنی ئه‌م ڕۆژه‌؟ ده‌ڵێن به‌ڵێ به‌ڵام تازه‌ بڕیاری سزاو ئازار دراوه به‌سه‌ر کافر و بێ بڕواکاندا (٧١) ئه‌وسا ئیتر پێیان ده‌وترێت ده‌ی ئیتر له ده‌رگاكانی دۆزه‌خه‌وه بۆ ژووره‌وه‌ بچنه ناوی ژیانی ناخۆش و سه‌ختیش بۆتان به‌رده‌وامه‌، مردنیش نیه ئای که چاند ناسازه جێگه و ڕێگه‌ی لووت به‌رزو خۆ به‌زل زانه‌کان‌ (٧٢) له‌ولاشه‌وه ئه‌وانه‌ی که پارێزگار بوون ده‌سته ده‌سته و پۆل پۆل به‌ڕێ ده‌کرێن به‌ره‌و به‌هه‌شت هه‌تا کاتێ که ده‌گه‌نه ئه‌وێ ده‌رگاكانی به ڕوویاندا ده‌كرێته‌وه‌ وه‌ فریشته‌ به‌رپرس و سه‌رپه‌رشتیاره‌كانی به‌هه‌شت پێیان ده‌ڵێن سه‌لامتان له‌سه‌ر بێت ئێوه پاك و چاكن جا فه‌رموون بچنه ناو به‌هه‌شته‌وه‌ له‌گه‌ڵ ژیانی هه‌میشه‌یی و نه‌بڕاوه‌دا (٧٣).


    جا ئایا زانیان ئه‌ی قه‌وم له‌ میانه‌ی ئه‌م ئایه‌ته‌ محكه‌مه‌دا كه‌وا هیچ پێویستیه‌كی به‌ ته‌ئویل و لێكدانه‌وه‌ نی یه‌ به‌وه‌ی ئه‌هلی ئاگر راپێچ ده‌كرێن به‌ره‌و ئاراسته‌و رووی ئاگر به‌تاقم و ده‌سته‌ ده‌سته‌ جا دابه‌شده‌كرێن بۆ حه‌وت كۆمه‌ڵ به‌ قه‌د‌ ژماره‌ی حه‌وت ده‌رگاكانی جه‌هه‌ننه‌م جا بۆ هه‌ر ده‌رگایه‌ك به‌شێكی دیاریكراو هه‌یه‌:
    {حَتَّىٰ إِذَا جَاءُوهَا فُتِحَتْ أَبْوَابُهَا وَقَالَ لَهُمْ خَزَنَتُهَا أَلَمْ يَأْتِكُمْ رُسُلٌ مِنْكُمْ يَتْلُونَ عَلَيْكُمْ آيَاتِ رَبِّكُمْ وَيُنْذِرُونَكُمْ لِقَاءَ يَوْمِكُمْ هَٰذَا قَالُوا بَلَىٰ وَلَٰكِنْ حَقَّتْ كَلِمَةُ الْعَذَابِ عَلَى الْكَافِرِينَ ﴿٧١﴾ قِيلَ ادْخُلُوا أَبْوَابَ جَهَنَّمَ خَالِدِينَ فِيهَا فَبِئْسَ مَثْوَى الْمُتَكَبِّرِينَ ﴿٧٢﴾} صدق الله العظيم.
    واته‌/ هه‌تا کاتێک ده‌گه‌نه به‌ر ده‌رگاكانی و بۆیان ده‌کرێته‌وه فریشته‌ی به‌رپرس و سه‌رپه‌رشتیار پێیان ده‌ڵێن باشه‌ مه‌گه‌ر پێغه‌مبه‌ران له خۆتان ڕه‌وانه نه‌کرابوو بۆتان که ئایه‌ته‌کانی په‌روه‌ردگاری خۆتان به‌سه‌ردا بخوێنێته‌وه‌ و یاداوه‌ریتان بکات و داتان بچڵه‌کێنێت له گه‌یشتنی ئه‌م ڕۆژه‌؟ ده‌ڵێن به‌ڵێ به‌ڵام تازه‌ بڕیاری سزاو ئازار دراوه به‌سه‌ر کافر و بێ بڕواکاندا (٧١) ئه‌وسا ئیتر پێیان ده‌وترێت ده‌ی ئیتر له ده‌رگاكانی دۆزه‌خه‌وه بۆ ژووره‌وه‌ بچنه ناوی ژیانی ناخۆش و سه‌ختیش بۆتان به‌رده‌وامه‌، مردنیش نیه ئای که چاند ناسازه جێگه و ڕێگه‌ی لووت به‌رزو خۆ به‌زل زانه‌کان‌ (٧٢).

    وه‌ به‌هه‌مان شێوه‌ هاوه‌ڵانی به‌هه‌شتیش راپێچ ده‌كرێن به‌ره‌و ئاراسته‌و رووی به‌هه‌شت به‌ تاقم و ده‌سته‌ ده‌سته‌و كۆمه‌ڵ كۆمه‌ڵ، به‌ڵام ئه‌م بیرو باوه‌ره‌ به‌تاڵه‌ی كه‌وا موسڵمانان بروایان پێ هه‌یه‌ كه‌وا به‌مه‌كرو پیلانی یه‌هود بۆیان هاتووه‌ ده‌ڵێت خه‌ڵكی هه‌موویان راپێچ ده‌كرێن به‌ره‌و ئاراسته‌و رووی ئاگری جه‌هه‌ننه‌م جا هه‌موویان رێگای راست ده‌گرنه‌ به‌ر له‌سه‌ر ئاگری جه‌هه‌ننه‌مدا جا هاوه‌ڵانی ئاگر ده‌كه‌ونه‌ ناویه‌وه‌! ئایا نابینن به‌وه‌ی له‌نێوان ئه‌م بیروباوه‌ره‌ ناقۆڵایه‌ و نێوان ئایه‌ته‌ محكه‌م و روون وئاشكراكان جیاوازی و ناكۆكیه‌كی زۆر هه‌یه؟ به‌ڵام ئێوه‌ ئه‌م بیروباوه‌ره‌ خراپه‌ ده‌بینن له‌ زاهیرو ده‌ره‌وه‌ی ئایه‌ته‌كاندا به‌و ئایه‌تانه‌ ده‌چێت كه‌وا هێشتا پێویستیان به‌ ته‌ئویل و لێكدانه‌وه‌ هه‌یه‌ وه‌كو ئه‌وه‌ی اللە ی گه‌وره‌ تێیدا ده‌فه‌رموێت:‌ {وَإِنْ مِنْكُمْ إِلَّا وَارِدُهَا كَانَ عَلَىٰ رَبِّكَ حَتْمًا مَقْضِيًّا ﴿٧١﴾ ثُمَّ نُنَجِّي الَّذِينَ اتَّقَوْا وَنَذَرُ الظَّالِمِينَ فِيهَا جِثِيًّا ﴿٧٢﴾} صدق الله العظيم [مريم].

    جا له‌پاش ئه‌وه‌ ده‌بینن ئه‌م فه‌رمووده‌ هه‌ڵبه‌ستراوه‌ مه‌دسوسه‌ به‌ پیلانێكی پیس له‌ زاهیرو ده‌ره‌وه‌یدا به‌م ئایه‌ته‌ ده‌چێت ئه‌مه‌ش تاوه‌كو وابزانن ئه‌م فه‌رمووده‌یه‌ بۆ به‌یانی ئه‌م ئایه‌ته‌ هاتووه‌ له‌ محمد پێغه‌مبه‌ری اللە وە صلَّى الله عليه وآله وسلَّم، جا ئه‌مه‌ش فه‌رمووده‌ هه‌ڵبه‌ستراوه‌كه‌یه‌ كه‌وا له‌ده‌ره‌وه‌یدا به‌ئایه‌ته‌ موته‌شا‌بیهه‌كه‌ ده‌چێت: [ كه‌ گوایه‌ پێغه‌مبه‌ری اللە صَلَّى اللَّه عَلَيْهِ وَسَلَّمَ فه‌رموویه‌تی: يَرِد النَّاس النَّار ثُمَّ يَصْدُرُونَ مِنْهَا بِأَعْمَالِهِمْ فَمِنْهُمْ كَلَمْحِ الْبَصَر ثُمَّ كَالرِّيحِ ثُمَّ كَحُضْرِ الْفَرَس ثُمَّ كَالرَّاكِبِ الْمُجِدّ فِي رَحْله ثُمَّ كَشَدِّ الرَّجُل فِي مَشَيْته]، درۆیان كرد دوژمنانی اللە وه‌ بۆ محمد پێغه‌مبه‌ری اللە ش نه‌بووه‌ كه‌وا قسه‌ بكات له‌ فه‌رمووده‌یه‌كدا مخالف و دژی محكم و بنچینه‌ی قورئان بێت له‌م باره‌یه‌وه‌، جا ئایا عه‌قڵتان به‌كارناهێنن؟

    به‌ڵام منی مه‌هدی چاوه‌روانكراوی حه‌ق له‌لایه‌ن اللە وە هیچ شتێك ناڵێم به‌ناوی اللە و پێغه‌مبه‌ره‌كه‌یه‌وه‌ مه‌گه‌ر به‌راست و حه‌ق نه‌بێت جا فه‌تواتان بۆ ده‌ده‌م ده‌رباره‌ی ته‌ئویلی ئه‌م ئایه‌ته‌ موته‌شابیهه‌ له‌گه‌ڵ فه‌رمووده‌ فیتنه‌ و هه‌ڵبه‌ستراوه‌‌ مه‌دسوسه‌كه‌ وه‌ حه‌قیقه‌تی (الورود) تان له‌م بابه‌ته‌دا به‌ ته‌واوی له‌ قورئان به‌تێرو ته‌سه‌لی بۆ روونده‌كه‌مه‌وه‌، جا هه‌رچی (الورود) ـه‌ له‌م بابه‌ته‌دا ئه‌وا مه‌به‌ستی پێی چوونه‌ ژووره‌وه‌و‌ داخڵبوون نی یه‌ وه‌ گه‌ر واگومانتان برد مه‌به‌ستی دخول و چوونه‌ ژووره‌وه‌یه‌ ئه‌وا دواتر ئایه‌ته‌ محكه‌مه‌كان بۆ ئه‌م بیروباوه‌ره‌ خراپ و ناقۆڵایه‌ له‌بۆرسه‌دان جا ده‌بینن سه‌رو بنی نه‌فی ئه‌وه‌ ده‌كات به‌ ته‌واوی، كه‌واته‌ مه‌به‌ستی (الورود)‌ چی یه له‌م ئایه‌ته‌دا‌؟ ئه‌مه‌ش فه‌تواكه‌ی بۆتان به‌وه‌ی گه‌یشتنه‌ به‌ ساحه‌و گۆره‌پانه‌كه‌ بۆ بینینی جه‌هه‌ننه‌م بۆ ئه‌وه‌ی كه‌وا ده‌یبینێت واته‌ له‌ خه‌ڵكی هه‌موویان جا به‌شێوه‌یه‌كی گشتی هه‌موویان ده‌یبینن تاكو ئه‌هلی به‌هه‌شت حه‌مدو سوپاسی اللە بكه‌ن به‌وه‌ی ده‌ربازیان بوو له‌م ئاگره‌ی كه‌وا بڵێسه‌ ده‌سه‌نێت و ناچێته ناوی مه‌گه‌ر که‌سانی ناپوخت و بێباوەڕ نه‌بێت، وه‌ هه‌رچی هاوه‌ڵانیه‌تی ئه‌وا دواتر ترس و تۆقین دڵ و ده‌روونیان داده‌گرێت ئه‌و ئاگره‌ی له کاتێکدا داماڵێنه‌ری پێستی سه‌رو هه‌موو ئه‌ندامه‌کانه‌و بانگی ئه‌وانه ده‌کات که له دنیادا پشتیان له حه‌ق و ڕاستی هه‌ڵده‌کردو گوێیان پێ نه‌ده‌دا، جا گه‌یشتن بۆ ساحه‌و گۆره‌پانی جه‌هه‌ننه‌م شامله‌ بۆ هه‌موو خه‌ڵكی، جا دۆزه‌خ نیشان ده‌درێت و ده‌رده‌خرێت بۆ هه‌رکه‌سێك که ببینێت به‌ شێوه‌یه‌كی گشتی (وَبُرِّزَتِ الْجَحِيمُ لِمَن يَرَىٰ) وه‌كو اللە ی گه‌وره‌ پشتڕاستی ده‌كاته‌وه‌ له‌وه‌ی ده‌فه‌رموێت: {لَتَرَوُنَّ الْجَحِيمَ ﴿٦﴾ ثُمَّ لَتَرَوُنَّهَا عَيْنَ الْيَقِينِ ﴿٧﴾} صدق الله العظيم [التكاثر].
    واته‌/ سوێند بێت بێگومان دۆزه‌خ ده‌بینن (٧) پاشان سوێند بێت به‌چاوی سه‌رو یه‌قینتان ده‌یبینن (٧).

    وه‌ له‌پاش ئه‌وه‌ جیاده‌كرێنه‌وه‌ له‌ دوای حه‌شرو كۆكردنه‌وه‌ی هه‌موو خه‌ڵكی بۆ ساحه‌ی جه‌هه‌ننه‌م پاشان له‌یه‌ك جیاده‌كرێنه‌وه‌ وه‌كو اللە ی گه‌وره‌ پشتراستی ده‌كاته‌وه‌ له‌وه‌ی ده‌فه‌رموێت: {وَيَوْمَ تَقُومُ السَّاعَةُ يَوْمَئِذٍ يَتَفَرَّقُونَ ﴿١٤﴾ فَأَمَّا الَّذِينَ آمَنُوا وَعَمِلُوا الصَّالِحَاتِ فَهُمْ فِي رَوْضَةٍ يُحْبَرُونَ ﴿١٥﴾ وَأَمَّا الَّذِينَ كَفَرُوا وَكَذَّبُوا بِآيَاتِنَا وَلِقَاءِ الْآخِرَةِ فَأُولَٰئِكَ فِي الْعَذَابِ مُحْضَرُونَ ﴿١٦﴾} صدق الله العظيم [الروم].
    واته‌/ ئه‌و ڕۆژه‌ی قیامه‌ت به‌رپا ده‌بێت له‌و ڕۆژه‌دا ئه‌و خه‌ڵکه له یه‌ك جیاده‌بنه‌وه‌و ده‌بن به‌ دوو ده‌سته‌وه‌ (١٤) جا ئه‌وانه‌ی باوه‌ڕیان هێناوه‌و کرده‌وه چاکه‌کانیان ئه‌نجامداوه ئه‌وانه له باخچه‌و باخاتی به‌هه‌شتدا ژیانی پڕ له کامه‌رانی و به‌خته‌وه‌ری و ئاسووده‌یی شاد ده‌کرێن (١٥) ئه‌وانه‌شی كه‌وا بێ بڕوا بوون و ئایه‌ته‌كانی ئێمه‌یان به‌درۆ ده‌زانی و بروایان به‌گه‌یشتنی ئاخیره‌ت نه‌بوو ئه‌وانه ئاماده‌ن له‌ناو سزایه‌کی سه‌خت و دۆزه‌خێکی پڕ ئه‌شکه‌نجه‌و ئازاردا. (١٦).

    كه‌واته‌ مه‌به‌ستی (الورود)‌‌ له‌م ئایه‌ته‌دا وێنه‌كه‌ی وه‌كو وێنه‌ی هاتنی موسایه‌ علیه‌ الصلاة والسلام بۆ لای ئاوی مه‌دیه‌ن به‌ڵام ده‌زانن كه‌وا ئه‌و داخڵی ئاوه‌كه‌ی مه‌دیه‌ن نه‌بوو؛ به‌ڵكو چوو بۆی به‌و مانایه‌ی گه‌یشته‌ گۆره‌پان و ساحه‌ی بیره‌كه‌ی مه‌دیه‌ن، اللە ی گه‌وره‌ش فه‌رموویه‌تی:‌ {وَلَمَّا وَرَدَ مَاءَ مَدْيَنَ وَجَدَ عَلَيْهِ أُمَّةً مِنَ النَّاسِ يَسْقُونَ وَوَجَدَ مِنْ دُونِهِمُ امْرَأَتَيْنِ تَذُودَانِ قَالَ مَا خَطْبُكُمَا قَالَتَا لَا نَسْقِي حَتَّىٰ يُصْدِرَ الرِّعَاءُ وَأَبُونَا شَيْخٌ كَبِيرٌ} صدق الله العظيم [القصص:٢٣]
    واته‌/ وه‌ كاتێك (موسا) گه‌یشته ئاوه‌كه‌ی مه‌دیه‌ن خه‌ڵكێكی بینی ماڵاته‌كانیان ئاوده‌دا له‌ولاشه‌وه دوو ئافره‌تی بینی كه به‌خۆیان و مه‌ڕه‌كانیانه‌وه دووره په‌رێز وه‌ستا بوون بۆیه وتی ئه‌وه ئێوه بۆچی لێره وه‌ستاون كێشه‌تان چیه؟ ئافره‌ته‌كان وتیان ئێمه ناتوانین ماڵاته‌كه‌مان ئاوبده‌ین هه‌تا شوانه‌كان نه‌رۆن و چۆڵی نه‌كه‌ن باوكیشمان پیره‌مێردێكی به‌ساڵا چووه‌.
    وه‌ ئه‌مه‌ش قیاس نی یه‌؛ به‌ڵكو بۆ تێگه‌یشتنی جۆره‌كانی (الورود) ـه‌ له‌ قورئانی گه‌وره‌دا.

    وه‌ ئه‌ی گه‌لی زانایانی ئومه‌تی ئیسلامی سوێند ده‌خۆم به‌ اللە ی به‌رزو بڵندی گه‌وره‌ی چاكه‌ خوازی میهره‌بان ئه‌گه‌ر ئیمانتان هێنا به‌ قورئانی گه‌وره‌ به‌وه‌ی كه‌وا حوكم بكه‌ین به‌ ئایه‌ته‌ محكه‌مه‌ روونه‌كان ئه‌وا به‌هه‌ق گفتوگۆتان له‌گه‌ڵدا ده‌كه‌م و زمانی ئه‌وانه‌ بێده‌نگ ده‌كه‌م كه‌وا قسه‌ هه‌ڵده‌به‌ستن به‌گومانه‌وه‌ به‌ باتڵ و هه‌موو فه‌رمووده‌ نه‌به‌ویه‌كانیش له‌ سوننه‌تی محمد پێغه‌مبه‌ری اللە صلَّى الله عليه وآله وسلَّم جیا ده‌كه‌مه‌وه‌ له‌ هه‌ڵبه‌ستراوه‌كان، جا دیفاع له‌ سوننه‌تی باپیره‌م ده‌كه‌م به‌ هه‌موو ئه‌وه‌ی اللە پێی داوم له‌ زانست جا له‌گه‌ڵ قورئاندا ده‌یخه‌مه‌ سه‌ر سه‌رم وه‌ فه‌رمووده‌ هه‌ڵبه‌ستراوه‌كانیش ده‌خه‌مه‌ ژێر پێم جا به‌ نه‌علی پێكانم تێكیان ده‌شكێنم، جا گه‌ر ده‌مبینن له‌سه‌ر گومراییم ئه‌وا وه‌رن بمبه‌زێنن به‌ ده‌سه‌ڵاتی زانستێك كه‌وا چاكترو باشتر بێت له‌ ده‌سه‌ڵاتی زانستم گه‌ر راستده‌كه‌ن. وه‌گه‌ر ده‌شمبینن له‌سه‌ر حه‌قم و پاشانیش بێده‌نگ ده‌بن ئه‌وا له‌عنه‌تی اللە و فریشته‌كان و هه‌موو خه‌ڵكیشتان له‌سه‌ر بێت.

    له‌وه‌یه‌ یه‌كێك له‌وانه‌ی كه‌وا به‌دوای حه‌قیقه‌ت و راستیدا ده‌گه‌رێن بیه‌وێت بمپچرێنێت جا بڵێت: "چۆن له‌عنه‌ت له‌ زانایانی ئومه‌ت ده‌كه‌ی؟". جا پێی ده‌ڵێم من له‌عنه‌ت له‌وانه‌ ده‌كه‌م كه‌وا بۆیان روونده‌بێته‌وه‌ من بانگ ده‌كه‌م بۆ حه‌ق وه‌ رێنمایی ده‌كه‌م بۆ رێگای راست جا له‌ پاش ئه‌وه‌ بێده‌نگ ده‌بێت له‌وه‌ی دان به‌حه‌قدا بنێت له‌دوای ئه‌وه‌ی حه‌قی بۆ رونده‌بێته‌وه‌، جا ئه‌وه‌ شه‌یتانێكی لاڵه‌و شایه‌ن و موسته‌حه‌قی له‌عنه‌ت و تووره‌یی اللە یە، وه‌ ئه‌گه‌ر له‌ ئه‌ولیاو خۆشه‌ویست و یاوه‌رانی اللە بێت ئه‌وا دواتر له‌گه‌ڵ حه‌ق ده‌بێت و له‌به‌ر اللە له‌لۆمه‌ی لۆمه‌كاران ناترسێت، به‌ڵام ده‌زانم ئه‌وان كاروبارو بانگه‌وازه‌كه‌م به‌درۆ ناخه‌نه‌وه‌؛ به‌ڵكو دڵنیا نین، جا له‌پاش ئه‌وه‌ پێیان ده‌ڵێم: په‌روه‌ردگارم راستی كرد به‌وه‌ی خه‌ڵكی به‌ئایه‌ته‌كانی دڵنیانین، هه‌تا ته‌نانه‌ت موسڵمانانی زه‌مانی ده‌ركه‌وتنی مه‌هدیش هه‌ر دڵنیا نابن به‌ئایه‌ته‌كانی اللە، مه‌گه‌ر ته‌نها ئه‌وه‌ی په‌روه‌ردگارم ره‌حمی پێكردبێت جا ئایه‌ته‌كانی په‌روه‌ردگاره‌كه‌ی به‌راست داده‌نێت له‌ زه‌مان و كاتی حیوارو گفتوگۆدا به‌ر له‌ ده‌ركه‌وتنی به‌ سزایه‌كی به‌ ئێش له ‌ئه‌نجامی تێپه‌ربوونی هه‌ساره‌ی ده‌یه‌م و حه‌وته‌م له‌دوای زه‌ویه‌كه‌تان به‌ڵام ئێوه‌ گه‌لێكی نه‌زانن: {وَلِنُبَيِّنَهُ لِقَوْمٍ يَعْلَمُونَ} صدق الله العظيم[الأنعام:١٠٥]
    واته‌/ به‌ڕاستی ئێمه‌ ڕوونی ده‌كه‌ینه‌وه‌ بۆ که‌سانێک که بزانن و تێبگه‌ن.

    خاوه‌نی زانستی كتێب مه‌هدی چاوه‌روانكراو به‌سه‌رخه‌ر بۆ محمد پێغه‌مبه‌ری اللە و قورئانی گه‌وره‌؛ ئیمام ناصر محمد یه‌مانی.
    ــــــــــــــــــــــــ

  2. افتراضي

    صدق الله العظيم
    ماشاء الله تبارك الله
    اذي كي بير ينه الابداع احسنت وجزاك الله الف خير

المواضيع المتشابهه

  1. مشاركات: 0
    آخر مشاركة: 08-03-2020, 12:43 PM
  2. مشاركات: 5
    آخر مشاركة: 13-02-2020, 09:21 AM
  3. مشاركات: 0
    آخر مشاركة: 07-10-2019, 08:49 AM
  4. مشاركات: 0
    آخر مشاركة: 12-12-2017, 04:46 PM
  5. مشاركات: 0
    آخر مشاركة: 08-12-2017, 07:43 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •